mY tHoUghTs..

Mainit na mainit ang isyu tungkol ZTE-NBN deal.. pati na rin ang mga panawagang pagbibitiw ng Pangulong Arroyo.

Sa Paglabas ng tinagurian "Bayani" ng mga Oposisyon na si Jun Lozada.. dapat nga bang maniwala sa kanya?

Isa sa isyung mainit ding pinag-usapan ay ang kung na-"kidnap" nga ba ng Pulisya si Lozada o hindi. Hindi ko pa naranasang ma-kidnap.. hehe.. pero base sa mga napapanood ko sa balita.. sa pelikula.. kapag kinidnap ka.. wala ka ng komunikasyon sa pamilya o kaibigan mo.. may hinihinging kapalit ang kumidnap at hindi ka nila dadalhin sa lugar na gusto mo.

Sinabi ni rin Lozada na pinagbabantaan daw ni dating COMELEC Chairman Benjamin Abalos ang kanyang buhay.. pero taliwas dito may mga EBIDENSIYA si Abalos na nagpapatunay na si Lozada ay may ilang ulit na nagpunta sa Wack-wack upang maglaro ng Golf at kumain ng pamosong "Hamburjer".. katawa-tawa sa iba  ang naging pagbanggit ni Abalos.. hindi nila binigyang pansin ang bigat ng binitawang salaysay ng dating COMELEC commissioner..
Mukhang malabo din ang sinasabi ni Lozada na halos kalahati ng halaga ng ZTE deal ay kickback ni Abalos.. lalo pat walang karapatang manghimasok sa kontrata ng gobyerno ang chairman at walang matibay na Ebidensiya na si Abalos ay involve nga sa kontrata.

Isa ring malaking kalokohan para sa akin ang sinabi ni Lozada na sinubukan niya lamang umanong mamuhay mayaman nang siya’y nasa Hongkong, gayung dito sa Pilipinas ay nakapaglalaro siya ng Golf sa Wack-wack, hindi yata biro ang halaga ng mga babayaran dito bago maging miyembro.. kundi ako nagkakamali eh may annual fee pa yata ‘to.. kaya… kalokohan din ‘yang "Sanctuary fund" na ‘yan ng mga pari at madre na para raw kay Lozada.. (Mas kailangan ng tulong ng mga biktima ng baha at lanslide sa Samar..) Akalain mo may pakiramdam daw sila kung sino ang nagsasabi ng totoo at kung sino ang hindi.. ako nama’y hindi napaka-relihiyosong tao.. pero ako man hindi ako tanga para malaman ko kung sino ang nagsi-sinungaling at nambobola lang. Akala mo eh Santo itong pino-protektahan ng mga madre at mga “brothers” na naka-sutana.. pero wag ka.. may kabalbalan din pala sa Phil. Forest Corp. na pinamunuan niya. Naalala ko din tuloy nung mapahiya si Lozada sa programang “Harapan” ng punain nito ang mga suot na damit ng kanyang mga inaakusahan.. hay.. hindi ko na iku-kwento dito.

Nakakalungkot naman ng minsang mapanood ko sa telebisyon ang ilang Law Students ng ilang kilalang paaralan.. hinihingi nila ang pagbi-bitiw ng Pangulo.. hindi na raw sila nasisiyahan sa "web of lies" ng kasalukuyang Administrasyon.. Hmmm.. iniisip kaya nila mga sinasabi nila? Hindi na ako magtataka na sa pagdating ng panahon, ang hustiya sa bansa natin ay nakabase na lamang sa sabi-sabi at hindi na sa ebidensiya.. na sa tuwing may aakusahan ay Guilty na agad. 

Tsk! Tsk! Tsk! nakakalungkot kasi, isa-isa ng pinapasok ng mga maka-kaliwang grupo ang lahat ng institusyon ng ating bansa.. Ang Simbahan, Paaralan, Militar(kasama ba Wig-dalo este Magdalo dito?), Gobyerno(mga mambabatas), maging ang Media?.. at siyempre.. abangan din natin ‘tong mga "magagaling" na Law students, na sa sobrang talino ay hindi na yata nila kailangang magtapos ng pag-aaral para matutong husgahan ang mga bagay-bagay base sa sabi-sabi. naituro na kaya sa kanila ang maging patas sa imbestigasyon? eh yung pananatiling inosente ng akusado hanggat hindi napapatunayang guilty?

At pakiusap ko lang.. ‘wag na sanang gamitin ang mga bata sa pag-iingay sa harap ng kamera.. tayo man naging bata.. alam nating sa mga ganito kasalimuot na usapin ay hindi dapat dinidiktahan ang kanilang murang isipan, bagkus ay hayaan silang makapag-isip kung ano ang nangyayari sa kapaligiran.

Hay… naisip ko lang.. unti-unti na nilang sinisira ang kinabukasan ng ating Bansa..

Lahat na yata ng pwedeng isisi sa gobyerno ay naisisi na..

Ang pagtaas ng bilihin… na nangyayari naman di lamang dito sa bansa natin kundi maging sa ibang bansa man.. teka.. kelan pa ba umurong ang presyo ng kahit ano?

  "BUMABAGSAK ANG PISO DAHIL KAY GLORIA!"  pero ngayong umaangat ang piso…pahirap pa rin daw sa taumbayan.

"BUMABAGSAK ANG MERKADO DAHIL KAY GLORIA!" Ngayong pumapalo ang Stock Market…hindi raw nararamdaman ng masa!

"BUMABAGSAK ANG EKONOMIYA DAHIL KAY GLORIA!" Pero sa pag-akyat ng ekonomiya ng 7.3% nitong huling quarter ng 2007…kasinungalingan lang daw lahat ng mga datos na nilalabas ng gobyerno.

Kelan ba kayo titigil sa kakahanap ng butas sa Gobyerno? Kahit ano pa gawin kontra pa rin kayo…

Ang siste…kahit ano namang pag-aalburuto ng mga galit sa Gobyerno…hindi pa rin sila pinapakinggan ng taumbayan… sawa na kasi sila sa ingay pulitika… Naka-ilang impeachment attempt na ba? hindi ko na mabilang eh… “hello garci”, nbn-zte deal, payola scandal, jpepa at sandamakmak na kung anu-ano pa.. May Edsa 3, Hyatt 10, Oakwood at Manila Pen.. Sino bang hindi magsasawa? eh wala namang mga matibay na ebidensiya na direktang magsasangkot sa Pangulo..
Hindi na ako magtataka kung bukas makalawa kung ang mga rally ay dahil na lang sa ayaw nila sa nunal ng presidente.. Nga pala ‘wag niyong lituhin ang publiko sa sinasabing “Communal Action” ng Catholic Bishop Conference of the Philippines! baka akala niyo kasi kayo lang na mga galit sa kasalukuyang administrasyon ang kasama sa “communal action” na ‘yan! LAHAT kasama!! mapa-PRO o Anti.. para sa akin tama lang yang desisyon ng CBCP.. san ka nakakita ng nahatulang guilty sa pangungurakot pero nanawagang ng resignation ng Pangulo dahil daw sa pangungurakot?

HINDI NAGHIHIRAP ANG PANGKARANIWANG TAO!

Ang tinutukoy ng mga Oposisyon na nagrerelakmo sa kahirapan ay walang iba kundi.. ANG MGA REKLAMADOR NG BAYAN…MGA TAMBAY AT NAGBI-BINGGO SA SQUATTER, na walang ibang ginawa kundi MAGLARO NG SAKLAAN SA MAGHAPON habang siyang-siya na minumura si Gloria.

ANG PANGKARANIWANG TAO NAGTATRABAHO…NAGHAHANAP-BUHAY…

Sa huli sa tingin ko.. hindi kay Lozada nababagay ang salitang "1 vs. the mob", sapagkat karapatan lamang din ng mga taong dinawit ni Lozada na magsalita at ipagtanggol ang kanilang sarili. one versus the mob?? Sa presidente pwede pa..

Para sa akin hindi "bayani" si Lozada.. please lang.. he’s not even close to Clarissa Ocampo! well.. hindi rin naman siya Artista.. uhm.. "Puppet" pwede pa!

Sa ngayon ang mahalaga sa akin ay paruhasan ang dapat parusahan kung meron man.. at ilabas ang matibay na EBIDENSIYA! Hindi puro akusa.

Unfair para sa akin ang matawag na maka-Arroyo dahil sa ako’y isang kapampangan.. Pakiramdam ko, para na rin akong sinabihan na wala akong karapatang magsalita sa mga ganitong isyu o ipahayag ang aking personal na saloobin.

Kung anuman ang aking posisyon sa kasalukuyang sitwasyon ng ating bansa.. ito ay aking personal na paniniwala at opinyon lamang. Sinisiguro ko na hindi ito nakaka-apekto sa trabaho ko at personal na buhay.. hehe…

PEACE!

Nitong mga nagdaang araw.. Marami tayong narinig na balita tungkol sa tinaguriang "healing priest" na si Fr. Fernando Suarez.

Marami ang sinasabing napagaling ng pari sa iba’t-ibang karamdaman, na nagmula pa sa iba’t-ibang lugar..

Mag-iisang taon na ng una kong makaharap si Fr. Suarez, bagama’t wala naman akong matinding karamdaman.. personal ko pa ring nasubukan ang sinasabing panggagamot ng pari.. Naniniwala ako na ang pananalig sa Diyos ang siyang tunay na nakapag-papagaling.. iyon din naman ang sinasabi ni Fr. Suarez, na kung anuman ang "kakahayan" niya ay Diyos ang may gawa.

Nakakalungkot na nitong mga huling araw ng panggagamot ni Fr. Suarez, may ilang Healing Mass Session pa na hindi natuloy o kundi man pinigilan ng ilang Obispo..

Sa Bulacan.. magsasampa umano ng Pormal na reklamo si Malolos Bishop Jose Oliveros laban kay Fr. Suarez.. ito ay sa dahilang nagsagawa umano ang "Healing Priest" ng ilang healing session sa naturang lalawigan ng hindi humihingi ng permiso o paalam mula sa kanya.. Sa kabila naman nito dumagsa pa rin ang mga tao sa simbahan kung saan sana nakatakdang magtungo si Fr. Suarez.

Sa Pangasinan.. Pinigilan ni Bishop Oscar Cruz ang Healing Session na nakatakda sanang gawin sa lugar.. dahil daw hindi na katanggap-tanggap sa Simbahang Katoliko ang mga lumalabas na testimonya o klase ng pangga-galing na ginagawa ni Fr. Suarez.. Naisip ko.. wala naman kaya itong kinalaman sa pag-amin ni Fr. Suarez na malapit ito sa "Unang Pamilya"?, Matatandaang si Bishop Cruz ay isa sa mga hayagang nagpapababa sa Pangulong Arroyo sa kanyang pwesto..

Ayoko mang bigyan ito ng kulay pulitika.. pero lumalabas na nahahaluan nga ng pulitika.. Akalain mo ba.. may pulitika rin sa Simbahang Katoliko.. nakakalungkot kasi.. Ang Pananampalataya na ng mga tao ang nakasalalay dito.. Naisip ko lang din.. ano naman kaya ang reaksiyon ng Santo Papa sa isyung ito?

Hmmm.. pag-isipan niyo din!

Sinong mahilig sa sibuyas?

Ang sibuyas ay bahagi na ng kusinang Pinoy.. kagaya ng bawang hindi na ito nawawala sa mga ginisa at kung anu-ano pang pagkain..

Sa post kong ito.. marahil hindi gaanong apektado yung mga taong walang hilig sa sibuyas, o di kaya’y wala lang talagang pakialam sa nangyayari sa kapaligiran.. ano istorya tungkol dito? eto yun…

Minsan nautusan akong mamili ng ulam sa palengke.. hindi ako makapaniwala sa presyo ng apat na pirasong sibuyas.. napaka-mahal.. paano pa kaya kung bibili ka ng tingi sa tindahan?

Naalala ko tuloy.. 2 weeks before christmas, may nasabat ang Bureau of Customs na mga container van na naglalaman ng tone-toneladang sibuyas mula bansang tsina.. Ipinagbabawal daw kasi ng pamahalaan ang pag-angkat ng sibuyas.. kasi daw maapektuhan ang mga lokal na magsasaka, babagsak daw ang kanilang kita..

Sa una ang gandang isipin.. na tinutulungan ng pamahalaan ang mga "maliliit" nating magsasaka.. hmmnn.. pero pa’no naman kaya ang mahihirap nating kababayan na bumibili nito? natutulungan kaya tayo sa paraang ito? hindi naman masama ang hagarin ng ating pamahalaan.. kaya lang hindi ba mas mainam kung ang kapakanan ng nakararami ang ating iisipin?

Ewan ko sa inyo.. pero ako.. mas mainam yata kung may pagpipilian tayo ng kung aling produkto ang ating nais na tangkilikin.. para san pa ang pagiging malaya natin kung sa simpleng pagpili ng bagay na nais natin ay hindi natin magawa? eh pera naman natin ang ating gagastusin.. ano ba pinagkaiba nito sa mga nagkalat na ukay-ukay, at kung anu-ano pang mga gamit mula sa ibang bansa na ibinebenta ngayon sa bangketa?

Pag-isipan sana nila ito..